هل انت خواف تعال واعرف

من طرف **ابو فهاد** الجمعة ديسمبر 18, 2009 7:18 am

السلام عليكم ورحمة الله وبركاته

كيف حالكم إن شاء الله دائما بخير ؟

الظـاهر اني صدقت اني طبيب نفسي و سويت لكم اختبـار ثاني ..

" إختبـار مستوى الخـوف .. "

مـافيه احد بيننـا مـايخاف ..
لكـن الخوف هـذا يختلف مـن شخص لأخـر ..

تعـال و اعرف مستوى خوفك مـن خلال سبع اسئـلة بسيطـة ^^" ..

قـول بسـم الله و إبـدأ ..

__

السـؤال الأول :

السـاعة 3 الفجـر , و انت جـالس علـى جيم مـاستر
سمعـت صـوت في الحوش , إيش تسوي ؟؟

1- اطلـع للحوش اشوف الصوت جـاي مـن وين ..
2- أطـل مـن الدريشـة و اشوف ايش فيه في الحوش ..
3- اتخبـى تحت السرير حتـى يـأذن الفجـر و تطلع الشمس ..

__
السـؤال الثـاني :

كنـت تتفـرج علـى فيلـم رعب في الليل ..
أهلك كلهـم نايمين و روحت انت تنـام ..
كيـف نومتـك تكـون ؟؟

1- نومـة عـاديـة , الافلام هـذي ما تخوفني ..
2- اقرا المعوذات و اخلي لمبة وحدة مفتوحـة , الواحد تبقى هالافلام في راسه ..
3- افتح كل اللمبـات و اشرب غـالون قهوة حتى مـا انام , انا مو فاضي كوابيس !!

__

السـؤال الثـالث :

عندكـم ملحق في البيـت , و سمعت ربكـة في الحوش ..
و مـن زود حظك التعيس طلعت في الحوش و شفت
انـه في حرامي في الملحق ايش تسوي ؟؟

1- اروح اشوف وش عنده في ملحقنـا ..
2- اخذ لي نظرة خاطفـة و ارح انـادي احد يفزع معي او اتصل بالشرطـة ..
3- اصرخ و اتصل عالشرطـة و الدفاع المدني و الاف بي اي و كلية الملك فهد للبترول و المعادن ..

__

السـؤال الـرابع :

انت طلعـت من السينمـا بعد مـاشفت فيلم رعـب ..
و انت رجعت لبيتكم على رجـولك , و دخلت في شـارع ظلمـة ..
ايش تسوي ؟؟

1- أمشي عـادي , اش فيها اذا كـان ظلمـة ؟؟
2 - اقـرا المعوذات و امشي ..
3- يجيني انهيـار عصبي حتـى اطلع من هالشارع ..

__

السـؤال الخـامس :

ايش هي لعبتك المفضلة في الملاهي ؟؟

1- قطـار الموت " Roller Coaster " و بيت الاشباح و مـاشابه ..
2- سيارات التصادم و و مـاشابه ..
3- الاحصنـة الدوارة <--

__

السـؤال السادس :

نوع أفـلامك المفضـل :

1 - مطـاردات او أكشن ..
2- رعـب او مغـامرات ..
3- درامـا او كوميدي ..

__

السـؤال الاخيـر :

انت تخاف بشكل عام من ..

1- مـاأخاف الا من الله ..
2- أخاف من الأماكن المرتفعـة والحيوانات المفترسـة ..
3- أنـا أخاف مـن كـل شـي !!

___
___

النتيجـة :

أغلب أجابـاتك " 1 " :

انت : أسـد ..
انت ماشالله عليك شجاع بشكل لا يوصف
أحيـانـاً الناس يسمونك متهور , و طـائش احيـاناً ..
مغـامر مـن الدرجـة الاولـى ..

أغلب أجابـاتك " 2 " :

انت : قطـو ..
انت عندك المستوى المناسب
انت مو شجاع مـرة , لكـن ما تعتبر خواف
شجاعتك تطلع لمـا تحتاجها ..
خليك علـى كـذا ^^" ..

أغلب أجابـاتك " 3 " :

انت : دجـاجـة !!
إنت تخاف خوف مو طبيعي
و الخوف هـذا مسبب لك مشـاكل !!
حـاول انك تعود نفسك على الشجاعـة !!

___

الحيـن اش رايكم في الاختبـار